ANPT. Issue #69, 2025. "Мір дому твайму!"

   A Needle Pulling Thread, Issue #69 (2025)  |Scrappy & Spectacular 

 -публікацыя ў часопісе-

Peace to Your Home!  

"Мір дому твайму!"

"Гэтыя простыя словы вядомыя ва ўсім свеце.

Маючы беларускае паходжанне, я магу сказаць, што ў нашых краях ніводнае пакаленне не пражыло без вайны.

Беларусы ўважаюць, што вышыванне – гэта такі спосаб малітвы; сапраўды, усе нашыя вышытыя вырабы нясуць зашыфраваныя ахоўныя сімбалі, якія служаць абярэгамі. Многія з іх былі зробленыя ў якасці ахвяраванняў для мясцовых цэркваў.

Ахоўная роля вышываных вырабаў асабліва праяўлялася ў часы нацыянальных ліхалеццяў, такіх як войны, эпідэміі, неўраджаі. На Беларусі існавала традыцыя стварэння “аднадзённай ахвяры“. Гэта быў вышыты ахоўны рытуальны рушнік, які павінны быў быць зролены групай жанчын не больш чым за суткі.

Такія рэчы звычайна мелі адвольны, незбалансаваны дызайн і выглядалі некалькі “абрывістымі“, бо кожная вышывальніца укладала ў яго свае ўласныя малітвы і пажаданні.

У мой дызайн “Мір вашаму дому!“, я ўлучыла сымбалі дома, сям'і, «Берагіні» і аховы – усе яны ўвасабляюць мае малітвы аб міры і дабрабыце ў нашых дамах."

Гэта суправаджальны тэкст да маёй апошняй работы, апублікаванай ў канадзкім часопісе A Needle Pulling Thread (нумар 69).

На свамі сайце рэдактарка часопіса змясціла яшчэ такую анатацыю:

"Дызайн Ірыны Варабей «Мір вашаму дому» — змястоўная вышыўка, натхнёная беларускімі традыцыямі. Выкарыстоўваючы тэхнікі хардангер, нізанка і канвасўорк, гэты прасунуты дызайн уключае ў сабе ахоўныя сімвалы, у тым ліку Берагіню, матывы дома і сям'і. Стварыце сабе ашаламляльную рэч памерам 25 x 50 см з глыбокім нацыянальным сэнсам і вечнай прыгажосьцю."

Гэта мой 36-ы дызайн, апублікаваны ў часопісе.

Набыць схему ў краме Etsy     

 Іншыя публікацыі ў ANPT 

The Pattern is available on my Etsy store    

 The other publications in the ANPT

Peace to Your Home! 

These simple words are known worldwide.
Having a Belarusan background, I can state that in our region, no generation has lived without war.
The Belarusans believe that embroidery is a form of prayer; indeed, all their stitched items bear encoded protective symbols, serving as amulets. Many were made as offerings for local churches.
The protective role of embroidered items was particularly evident during times of national tribulations such as war, epidemics or crop failures. In Belarus, there was a tradition of making the One-day Oblation. It was a stitched protective ritual item known as ‘roushnik’ (towel) that must be completed by a group of women in no more than 24 hours.
Such items typically had arbitrary, unbalanced designs and appeared somewhat ‘scrappy’ as each stitcher added her own prayers and wishes.
For my Peace to Your Home! design, I incorporated symbols of home, family, ‘Berahinia’ (Guardian Lady) and protection; all these embody my prayers for peace and well-being in our homes.

The significant design has been recently featured in A Needle Pulling Thread magazine, issue 69, which is dedicated to "Scrappy and Spectacular".

The magazine's editor also posted the following annotation on her website:
"Designed by Iryna Varabei, Peace to Your Home is a meaningful embroidery piece inspired by Belarusian traditions. Using Hardanger, Nizanka, and Canvaswork techniques, this advanced-level design incorporates protective symbols, including Berahinia (Guardian Lady), home, and family motifs. Create a stunning 10½” x 19” piece that carries deep cultural significance and timeless beauty."

This is my 36th piece published in the magazine.

ANPT. Issue #68, 2024. Абярэг "Саламяны Павук"

  A Needle Pulling Thread, Issue #68 (2024)  |Geometrics 

 -публікацыя ў часопісе-

The Straw Pavouk Talisman.  

Абярэг "Саламяны павук".

Па вечарах перад новым годам беларуская сям’я збіраецца разам, каб майстраваць “Саламянага павука”. Збіранне Павука – гэта ня толькі мастацтва і рамяство; гэта свайго роду гульня для ўсёй сям'і, ня менш захапляльная, чым будаваць гарады з Лега або складаць пазл з 1000 часцінак.

 Саламяны павук — адзін з самых старажытных абярэгаў у Беларусі, створаны з саломкі і нітак. Ён лічыцца сакральным аб'ектам, таму што яго геаметрычная форма і працэс вырабу паўтараюць боскую геаметрыю стварэння Сусвету. Адна з легенд расказвае, што ўвесь Сусвет як найвялікшы шэдэўр быў сатканы павуком.

Саламяны павук робяць у пачатку новага года, мяркуючы, што ён будзе служыць ахоўнікам дома і сям'і на працягу ўсяго года. Уважаецца, што ён ловіць і знішчае злыя сілы. Звычайна яго падвешваюць да столі, або ў дзвярным праёме, або над дзіцячай калыскай.

Распрацоўваючы схему для свайго трэцяга вышытага Саламянага Павука, я імкнулася ўжыць колеры, як мага больш набліжаныя да сапраўднай саломы. А ягоны дызайн натхнёны традыцыйнымі беларускімі ўзорамі, якія выкарыстоўваліся для тканых посцілак.

Набыць схему ў краме Etsy      Іншыя публікацыі ў ANPT 

The Pattern is available on my Etsy store here.    The other publications in the ANPT

--------------------------------------------------------------------

At the start of a new year, Belarusan families gather in the evening to create the Straw Spider—known as Salamiany Pavouk. The activity isn’t just a craft; it’s a kind of game that engages the whole family, as exciting as building cities out of Lego or working on a 1000-piece puzzle.

The Straw Pavouk is one of the oldest talismans in Belarus, traditionally made from straw and thread. It’s considered a sacred object because its geometric shape and the process of making it are believed to echo the divine geometry of the Universe’s creation.

According to legends, the entire universe was woven as the greatest masterpiece of a spider.

Families make the Straw Pavouk at the beginning of each new year, believing it will serve as a protector for their home and family throughout the year. It’s thought to catch and destroy evil forces.

Typically, it’s hung from the ceiling, or in a doorway, or above a baby’s crib.

 For my third stitched Straw Pavouk, I aimed to use colours that closely resemble real straw. The design is inspired by traditional Belarusan patterns, like those found in woven coverlets.

 The word ‘pavouk’ means ‘a spider’ in Belarusan language.

ANPT. Issue #65, 2023. Абярэг "Павук" 2

 A Needle Pulling Thread, Issue #65 (2023)  A Bright Future 

-публікацыя ў часопісе-

Pavouk Talisman 2.  

Абярэг "Павук" 2.

Саламяны Павук – адзін з самых старажытных абярэгаў у Беларусі. Па традыцыі яго вешаюць на самым пачэсным месцы ў хаце перад Новым годам, каб ён аберагаў сям’ю і дом напрацягу ўсяго наступнага году.

Павукі вырабляюцца з лёгкіх саломінак і таму выглядаюць такімі бязважкімі і карункавымі. Падвешаныя да столі, яны нагадваюць па-майстэрску сплеценую павуціну, таму і называюцца павукамі. Беларусы верылі, што злыя сілы, няшчасці і хваробы, якія заблытаюцца ў павуцінні, забярэ павук, захаваўшы ў сям'і мір ды згоду.

 Я распрацавала і вышыла Павука, які нагадвае зробленага з саломы, і спадзяюся, што ён можа прынесці шчасце і дабрабыт тым, хто будзе яго вышываць. 

Набыць схему ў краме Etsy     

 Іншыя публікацыі ў ANPT 

-------------------------------------------------

The Straw Pavouk, which translates to Straw Spider, is among of the oldest talismans in Belarus. It was traditionally hung in the most honorable place before the New Year to protect the house and the family throughout the upcoming year. 

The Pavouk is assembled from light straw tubes and looks weightless and lacy.  When suspended from the ceiling, it resembles a skillfully woven web, hence the name spider. Belarusians believed that any evil forces, misfortunes or diseases that get tangled in the web would be taken away by the spider, keeping peace and harmony in the family.

 I designed and embroidered Pavouk that resembles the one made of straw, and I hope it can bring happiness and wellness to those who stitch it. 

The Pattern is available on my Etsy store here

ANPT. Issue #61, 2023. Дабраславенне.

   A Needle Pulling Thread, Issue #61 (2023)  Мазаіка

-публікацыя ў часопісе-

Blessing - "Дабраславенне"

In my culture, embroidery is believed to be a spiritual activity, like prying to God. From time immemorial, Belarusan people have used the ancient symbols to embellish customary items like a roushnik (towel) and magical powers are associated with these embroideries creating a talisman.

When a new baby comes to the world, close relatives prepare a gift talisman with a special symbol called Khresbiny (the four-pointed rosette) meaning christening.

I placed this symbol in the very center of the design.

As for my stylized design, I see it in it a flower representing joy and best wishes for the newborn life.

This embroidered wall art is perfect for gifting it for a birth, christening, birthday or any other such customs. It can also be gifted as a token of good luck, embroidering it on many household items like a cushion, a towel, a table centerpiece, baby cloth etc. And feel free to use your favourite colours too.

У нас, на Беларусі, вераць у тое, што вышыванне гэта духоўная дзея, такая ж як малітва, ці зварот да Бога. З незапамятных часоў беларусы выкарыстоўвалі старажытныя сімвалы для ўпрыгожвання такіх прадметаў народнага абрадаў, як рушнік, і магічная сіла звязвалася з гэтымі вышыванкамі, ствараючы абярэг.

Калі на свет з'яўляецца новае немаўля, блізкія сваякі рыхтуюць падарунак-абярэг са спецыяльным сімвалам “Хрэсьбіны” (чатырохканцовая разетка).

Я размясцла гэты сімвал у самым цэнтры дызайну.

Што да майго стылізаванага дызайна, я бачу ў ім кветку, якая ўвасабляе радасць і найлепшыя пажаданні нованароджанаму.

 Гэтая вышытая карцінка ідэальна падыходзіць для падарунка на народзіны, хрэсьбіны, дзень нараджэння ці для любой іншай падобнай нагоды. Яе таксама можна падарыць як пажаданне поспеху, вышыўшы яе на многіх рэчах хатняга ўжытку, такіх як падушка, рушнік, абрус, дзіцячае аддзенне і г. д. І можаце смела выкарыстоўваць свае любімыя колеры.

Набыць схему ў краме Etsy  

 Іншыя публікацыі ў ANPT 

ANPT. Issue #52, 2020. Абярэг на ўдачу.

  A Needle Pulling Thread, Issue #52 (2020) Projects inspired by favourite relatives

-публікацыя ў часопісе-

Talisman for Good Luck - "Абярэг на ўдачу" 

Гэты абярэг я зрабіла свайму сыну спратоўцу. Ён бярэ яго з сабой у кішэню заўсёды на свае гонкі. Я навучыла яго, як ім карыстацца.

У самім абярэзе заключаныя тры магічныя сымбалі.

1. Галоўным ёсць кветка дзядоўніка. Дзядоўнік сам па сабе гэта сымбаль добрага шанцу. Галоўка кветкі мае

калючкі, што чапляюцца моцна на што папала, то ўвасабляюць сабой удачу, што чапляецца за таго, хто мае абярэг.

У дзядоўніка фіялетавы колер! Гэта важна.

2. У сярэдзіне чырвонага боку

абярэга знаходзіцца салярны сымбаль Папараць-кветкі, якая сымбалізуе сілу і здароў’е.

3. У сярэдзіне фіялетавага боку знаходзіцца сымбаль твайго продка, самага першага ‘прабацькі’. Па-беларуску ён завецца “шчур”.

Я памятаю, як у дзяцінстве падчас нашых гульняў з сябрамі мы крычалі: “Чур, чур!” – то была такая замова, каб выйграць.

А цяпер гэта такі рытуал перад стартам, або любой важнай падзеяй – мой сын абавязкава мае сказаць тры разы: “Чур, мне! ...Чур, мяне!”. Што азначае – “Чур, дапамажы мне, зрабі гэта для мяне”. Так што, замова працуе... 

Набыць схему ў краме Etsy  

 Іншыя публікацыі ў ANPT 

ANPT. 2019. Issue #49. Абярэг "Саламяны павук"

 A Needle Pulling Thread, Issue #49 (2019)  Rainy Day fun!

-публікацыя ў часопісе-

'Pavouk' Talisman - Абярэг "Саламяны павук"

Ідэя вышыванага Павука нарадзілася ад саламяных упрыгожанняў вельмі папулярных у Беларусі. Гэта адзін з самых старажытных традыцыйных абярэгаў.

Саламяны павук уважаецца сакральным, бо ягоная форма і працэс стварэння паўтарае Боскі геаметрычны шлях стварэння Сусвету.

Звычайна яго вырабляюць напачатку году, каб ён мог служыць ахоўнікам для дома і сям’і ўвесь год. Ён можа лавіць злую энэргетыку і знішчаць яе. (Праўда, нагадвае індзейскі “дрымкатчэр”?)

Яго падвешваюць да столі або ў дзвярах і часта над дзіцячым ложкам. Можна, вядома, павесіць у вакне або ў машыне. Або, калі захочаце, можаце яго ўставіць у рамку.

 Дызайн майго Павука заснаваны на ўзорах “кругі-на-вадзе”, што ў беларускіх традыцыйных посцілках. 

  

     

Набыць схему ў краме Etsy  

 Іншыя публікацыі ў ANPT    

ANPT. 2018. Issue #48. Калядныя ёлкавыя цацкі "Сняжынкі"

 A Needle Pulling Thread, Issue #48   (Winter 2018) Ornaments

-публікацыя ў часопісе-

Belarusan Nizanka 'Snowflake'  - Калядныя ёлкавыя цацкі "Сняжынкі" беларускай нізанкай

Старажытная тэхніка “нізанка” (процяг) была вельмі распаўсюджана на беларускіх землях для стварэння сакральных вышываных вырабаў, такіх як “рушнікі”, якія адыгрывалі важную ролю ў даўніх абрадах і звычаях.

Існуюць дзьве адметнасьці ў тэхніцы нізанкі, якія адпавядаюць сакральным патрабаванням ў старажытнай вышыўцы. У гэтых работах няма вузлоў, бо вузлы лічацца перашкодай для добрай энэргіі. Нізанка мае прыгожы і сэнсоўны выгляд з абодвух бакоў. Дзякуючы гэтым характарыстыкам і таму, што з ёй працаваць лёгка і хутка, я і люблю “нізанку”

Гэтыя адметнасці нізанкі і далі мне ідэю выкарыстаць яе для стварэньня ёлачных цацак у сезон зімовых Сьвяткаў.

Мне было цікава распрацоўваць беларускія ёлачныя упрыгожанні “нізанкай”. Я спадзяюся, што і вам будзе цікава вышываць іх. Я ўважаю, што можа быць мноства ўзорай для гэткага дызайну; таму пасля таго, як вы вышыеце адзін і пазнаеце гэты метад вышывання, я заклікаю вас паспрабаваць зрабіць свой уласны.

    

Набыць схему ў краме Etsy  

 Іншыя публікацыі ў ANPT   

ANPT. Summer 2018. Абярэг "Грамнічная свечка"

A Needle Pulling Thread, Issue #47 (Summer 2018), Chakras, mandalas, meditations...
-публікацыя ў часопісе-

Hramnicy Candle Talisman - Абярэг "Грамнічная свечка"

Гэты выпуск часопіса быў прысвечаны мандалам, талісманам і ўсякага роду медытатыўным рэчам. Натуральна, без беларускага абярэга ня мог жа ён абысціся! ✌️ :)

Мой дызайн прысьвечаны Грамніцам,  якія да гэтай пары сьвяткуюцца ў Беларусі.

Грамніцы – сьвята, нейкім чынам падобнае да таго, што ў заходняй Эўропе называецца Кэндэлмас або Імболк.

Адным з вобразаў, якому аддаецца ўвага і шанаваньне ў гэты дзень, зьяўляецца сьвятая Грамнічная сьвечка. Ейны традыцыйны сымбаль знаходзіцца ў цэнтры майго дызайна.

Людзі запальваюць свае асьвечаныя Грамнічныя сьвечкі падчас царкоўнай службы і нясуць іх дахаты, намагаючыся пры гэтым, каб Сьвечка ня згасла; такім чынам яна прынясе дабраславеньне ў дом.

У сьветапоглядзе беларусаў Грамнічная сьвечка сымбалізуе дваістую прыроду чалавека. Сама сьвечка, зробленая з воску, падораным прыродай , прэзентуе чалавечае цела. А кнот, які вырабляецца чалавечымі рукамі з ільну прэзентуе чалавечую душу.

Мы, людзі, атрымліваем нашыя целы ад Бога (або ад Маці-Прыроды) такім жа чынам, як мы бярэм воск у пчол. А душу – вырошчваем напрацягу жыцьця тым жа шляхам, як росьцім лён, апрацоўваем яго, тчэм і скручваем кнот – усё сваімі рукамі, сваёй працай. 

Грамнічная сьвечка нагадвае вялікія магчымасці і ўтоеную энергію жыцця ў чалавеку. Як агонь, энергія душы можа быць разбуральнай. Але яна таксама можа сагрэць, загаіць, асьвятліць і павесьці.

Утаймаваны агонь душы можна назваць воляй. Людзі з абуджанай воляй здольныя падтрымліваць і адраджаць культуру і жыццёвы шлях.

Грамнічную сьвечку, дабраслаўленую і прынесеную дахаты ў падчас Грамніц,  можна запаліць у любы дзень года, памаліцца перед ёй і папрасіць спаўненьня вашых добрых жаданьняў. 

Або можна яе вышыць. Таму што, паводле вераванняў беларусаў, вышываньне ёсьць магічнай дзеяй, якая зьвязвае нас з духовым сьветам.

                       

Набыць схему ў краме Etsy  

 Іншыя публікацыі ў ANPT                               

                                             

ANPT. Spring 2018. Каханне ды згода

A Needle Pulling Thread, Issue #46 (Spring 2018),  Love Birds
-публікацыя ў часопісе-

Love & Cherish - Каханне ды згода

Шмат гадоў таму, яшчэ ў першыя мае гады ў Канадзе, я зрабіла падарунак для сваёй настаўніцы з ангельскіх курсаў на ейнае вяселле. Гэта была вышыванка, у якой я ўжыла традыцыйныя беларускія ўзоры кахання – "галубы кахання" – вельмі папулярны, улюбёныя наш сымбаль.

Я вырашыла вышыць іх зноў для гэтага адмысловага выпуску часопіса "Птушкі кахання". Каб пакінуць месца для вашай творчасці, я прапаную на выбар адзін і той жа дызайн у двух каляровых палітрах: у традыцыйнай беларускай і альтэнатыўную ў пастэльных танах. Гэта даволі зручны ўзор, дзе вы лёгка можаце змяніць нават гэтыя прапанаваныя колеры паводле вашага творчага разумення.

Акрамя "галубоў кахання" ўвесь дызайн напоўнены сымбалямі, дзе кожны ўзор мае сваё значэнне:

"Папараць-кветка" – магічная кветка, якая цьвіце толькі раз у ноч летняга сонцазвароту. У нас вераць, што яна можа спаўняць мары тых, хто яе знайдзе ў лясных гушчарах.

"Ваза" – сымболь жаночага лёсу.

"Міласэрнасць і спагада", што знаходзяцца пад лапкамі галубоў, сымбалізуюць надзейны падмурак для моцнага шлюбу. 

"Зорка дзіцяці", іх дзьве на самым версе, мяркуюцца як найвышэйшая мэта шлюбу.

Чорны фон азначае магічную ноч летняга сонцазвароту. У беларускай міфалогіі яна ўважаецца за Ноч шлюбу Сонца і Зямлі.

Унізе знаходзіцца традыцыйны абярэжны ўзор.

У альтэрнатыўнам дызайне выкарыстаны сучасны беларускі фонт, заснаваны на традыцыйных беларускіх узорах. Надпіс, зроблены гэтым фонта чытаецца як "love @ cherish" (каханне ды згода)

У дадатак, я прапаную асобна і надпіс лацінкай, так што ў вас ёсць выбар. 

                                                                                                                                                                                    

І яшчэ.

Мы зноў апынуліся на вокладцы ✌️ :) 

                                                                                   

Набыць схему ў краме  Etsy  

 Іншыя публікацыі ў ANPT

ANPT. Spring 2014. Дзіцячы абярэг

A Needle Pulling Thread, Spring 2014, 
-публікацыя ў часопісе-

Talisman For Baby - Дзіцячы абярэг

Вышываныя абярэгі былі вельмі папулярнымі ў старой славянскай культуры.

Абярэг (талісман) – гэта нейкі прадмет, які мае магічную сілу і аберагае ягонага ўладальніка. Магічнай сілай яго зараджае ягоны стваральнік, і вышываньне ўважаецца самай моцнай для гэтага дзеяй.

Для талісманаў найбольш ужываліся салярныя знакі. У Беларусі яны гэтак жа выкарыстоўваліся на вышываных рушніках, адзеньні, хатніх палотнах. Усе нашыя вышываныя кашулі, наміткі, паясы і г.д., насамрэч, зьяўляюцца абярэгамі.

Для свайго дзіцячага абярэга я выбрала тыя сымбалі, што звычайна вышываліся для дзяцей.

Першы – салярны знак Радзінец. Гэта – ахоўнік роду, звычайна ягоную выяву робяць на люльцы, потым на дзіцячым ложку.

Другі – гэта Лель і Леля, дзяўчынка і хлопчык, боская пара, вельмі папулярныя ў беларускім фальклёры, яны – дзіцячыя даглядальнікі і абаронцы.

Трэці – стылізаваны лісток дуба, бо дуб – гэта сымбаль моцы і здароў’я.

Існуюць некалькі правілаў для працэсу стварэньня абярэгаў.

У вышыванцы не павінна быць вузлоў (ні на правым, ні на левым баку); ніткі і канцы нітак не павінны нідзе ні перакрыжоўвацца, ні быць схаванымі... – усё гэта мяркуецца як перашкода для добрай энэргіі. У вузелках хаваецца энэргія нядобрая. І трэцяе – рэч мусіць выглядаць сэнсоўна і прыгожа з абодвух бакоў. І з гэтае прычыны ўнікальная беларуская нізанка зьяўляецца ідэальнай тэхнікай вышываньня такіх сакральных рэчаў, як абярэгі.

         

Набыць схему ў краме Etsy

 Іншыя публікацыі ў ANPT

ANPT. Fall 2012. Амулет на шчасьце

A Needle Pulling Thread, Fall 2012, 
-публікацыя ў часопісе-

Lucky Charm - Амулет на шчасьце

Да гэтага часу мая дызайнерская творчасьць складалася з таго, што я “перакладала” беларускія нароныя ўзоры ў сучасныя тэхнікі і стылі. Але мяне часам пыталіся, а ці існуе якаясь асаблівая, выключна беларуская тэхніка вышыўкі. Сёньня я гатовая сказаць: “Так, яна існуе!” і прадставіць яе чытачам часопіса “ANPT”, каб падзяліцца ёю з канадзкімі вышывальніцамі.

Я вельмі рада мець магчымасць пазнаёміць вас з адметнай тэхнікай “беларуская нізанка” (Belarusan Nizanka), упершыню ў гэтым выпуску часопіса.

Я самая ўсё яшчэ ў пошуку і дасьледаваньнях гэтай старажытнай, але вельмі папулярнай на маёй радзіме тэхнікі, таму давайце рабіць гэта разам, і сёньня наш першы занятак, і вось тут даволі нескладаны дызайн, цалкам перанесены з майго набытага калісьці даўно фартуха, які пераехаў са мной разам праз акіян у Канаду.

Назва “нізанка” паходзіць ад слова “за-ніза-ці”. Тэхніка настолькі ж лёгкая, як і прыгожая, тымчасам робіцца проста, хоць і выглядае мудрагеліста. Узоры ў нізанцы складаюцца з геаметрычных фігур, яны выкарыстоўваюцца для ўпрыгожаньняў традыцыйных рушнікоў, аддзеньня, абрусаў і посьцілак. Традыцыйна, ужываюцца два колеравых варыянты: белы з чырвоным, або белы са светла-шэрым (колерам натуральнага ільну). Часам два-тры радкі выконваюцца чорным.

Візульны эфект нізанкі падобны да лічыльнай гладзі, але яна адрозніваецца метадам выкананьня. Нізанку вышываюць адной ніткай увесь радок, адзін радок за другім.

Набыць схему ў краме Etsy

 Іншыя публікацыі ў ANPT